O Observatorio Ocupacional da Universidade da Coruña é un servizo de investigación sobre as condicións de empregabilidade dos titulados universitarios. O centro ten como obxectivo potenciar a inserción laboral dos seus titulados mediante a análise, asesoramento e interactuación cos distintos axentes do mercado laboral.

Entre os seus obxectivos están:

• Coñecer a situación e as principais características do mercado laboral universitario.
• Coñecer a opinión dos titulados sobre a importancia da educación superior, así como as necesidades dunha formación adicional.
• Obter información acerca das demandas do mercado laboral para universitarios.
• Proporcionar esta información ás autoridades académicas e ás persoas responsables do deseño e implantación dos procesos de docencia / aprendizaxe.
• Ofrecer servizos de asesoramento profesional e de procura de emprego.
• Potenciar os mecanismos de coordinación existentes entre a Universidade e as empresas, institucións e outros axentes sociais.
• Coñecer o grao de satisfacción dos titulados co seu emprego en caso de estaren traballando.

As súas funcións son:

• Realizar estudos sobre o mercado laboral e a inserción de titulados universitarios.
• Deseñar un observatorio sobre as prácticas en empresas dos titulados pola Universidade da Coruña.
• Ofrecer un servizo de orientación e asesoramento laboral e profesional para os estudantes.
• Proporcionar, de maneira sistemática, información aos titulados da Universidade da Coruña sobre os recursos dispoñibles para a súa inserción no mercado laboral.
• Establecer contactos periódicos cos distintos axentes do mercado laboral.